Қазақстан Жастар Одағы «Серпер» сыйлығының лауреаты Аида Жантілеуова мектебімізде
"Рухани жаңғыру" бағдарламасы аясында 8 қазан 2021 жылы Ғабит Мүсірепов атындағы Қазақ мемлекеттік академиялық балалар мен жасөспірімдер театрының актрисасы, Қазақстан Жастар Одағы «Серпер» сыйлығының лауреаты Аида Жантілеуова мектебімізге арнайы қонақ болып келді. Кеш барысында мектебіміздің талантты оқушыларынан құралған "Жұлдыздар" би тобы мың бұрала билеп, күйшілер күмбірлете күй орындап кештің керемет өтуіне септігін тигізді. Оқушылар арнайы келген қонағымызбен таныса отырып, өздерін қызықтырып жүрген сұрақтарына жауап алды. Жас болса да, өнер саласында төселіп үлгерген "Махаббат пен ғадауат", "Қызыл орамалды шынарым", "Ай-Қарагөз..." сынды қойылымдардың басты рөлдерін сомдап жүрген Аида Жантілеуова да оқушыларға деген өзінің ыстық лебізін білдірді.
