"Жұлдыздар" би ұжымы білім ордасының алтын қоржынын кезекті жетістіктерімен толықтырды

Қыркүйек айының 24-ші жұлдызында мектебіміздің "Жұлдыздар" би ұжымы білім ордасының алтын қоржынын кезекті жетістіктерімен толықтырды. "Жұлдыздар" би ұжымы Алматы қаласы білім басқармасының ұйымдастыруымен "Ақ шағала" қалалық хореография байқауынан ГРАН-ПРИ жүлдесін иеленді. Ұйымдастырушылар мектебіміздің директоры Алмасбаева Қаламқас Қалиқызына өскелең ұрпаққа білім берумен қатар, өнерпаз шәкірттерге тәрбиенің биік тұғырын бала бойына сіңіру жолына еңбек еткені үшін АЛҒЫС ХАТ жолдады.
"Жұлдыздар" би ұжымы мектебіміздің ең талантты оқушыларынан құралған. Әр түрлі деңгейдегі конкурстарға қатысып, әрдайым жеңістің туын желбіретіп, абыройымызды асқақтатып келеді. Оқушылардың талантын шыңдап, биік белестерді бағындыруына септігін тигізіп, болашағына тура жол нұсқап, хореографиялық өнердің қыр-сырын үйретіп жүрген жетекшілері Бахытбек Алиякпарович пен Ажар Утибаевнаға ерекше алғысымызды білдіреміз. Дарынды балаларды біріктіріп, керемет нәтиже көрсетіп жүргендеріңізге ризамыз.
Мектеп мақтаныштары, сендерге ақ жол! Жұлдыздарың жана берсін!