ЖК Атлетика ауылында орналасқан Alatau Creative Hub орталығындағы саяхат...

   Кез-келген қоғамды алсақ та, қайырымдылықты қажет ететін, көмек қолын созушы жандар болады. Мемлекетіміздің болашағы жас ұрпақтың қолында болғандықтан, әрбір баланың дамуы мен өмірге деген құлшынысын арттыру мақсатында түрлі іс-шаралар, мерекелік жиындар мен саяхаттарға жолдамалар беріліп жатқаны бәріне мәлім. Осы орайда, Алматы қаласының Алатау ауданына қарасты №154 ЖББ мектептен көп балалы, әлеуметтік тұрмысы аз қамтылған отбасынан шыққан 15 баланың ЖК Атлетика ауылында орналасқан Alatau Creative Hub-на барып, танысып қайтты.
Аталған іс-шара Алатау аудандық НұрОтан партиясының қолдауымен, сондай-ақ, Алматы қаласы мәслихатының депутатыТау Нұрымбек мырзаның демеушілік көмегімен өткізілген іс-шара. Іс-шара барысында балалар сан-алуан эскпонаттармен танысып, музей тарихына шолу жасап, сергіту сәттеріне арналған ойындарға қатысып және қызықты мультфильмдер әлеміне барып қайтты.
Қайырымдылық іс-шараларының демеуші Алатау аудандық Нұр Отан партиясы мен демеуші болған мекемелерге алғыс білдіреміз!