«Мектепке барар жол» акциясы
Дәстүрлі «Мектепке жол» жалпыреспубликалық акциясы биылғы жылы 1 тамаз бен 30 қыркүйек аралығында «Менің таңдауым-балаларға көмек көрсету!» ұранымен басталды.
Акцияның мақсаты аз қамтылған, көп балалы отбасыларынан шыққан және ата-анасының қамқорынсыз қалған балаларға мектепке қажетті құрал-жабдықтармен қамтамасыз етіп,қолдау көрсету.Осындай игі іс-шараларды ұйымдастыру Алатау ауданына қарасты И.Қ.Мандоки атындағы ЖББ №154 мектепте дәстүрге айналған.
Баланы мектепке дайындау әр отбасына әсіресе аз қамтылған, көп балалы отбасына үлкен қиындық тудырары анық.Балаларымыздың бақытты болашағы үшін үнемі қолдау көрсетіп отыратын «Тепло РОСС» АҚ-ы биыл да демеушілік танытып, 13 оқушыға материалдық көмек көрсетті.Әрбір оқушыны мектеп формасымен,спорттық киім және аяқ киіммен қамтамасыз етті. Сонымен қатар мектеп ұжымы 6 оқушыға оқуға керек құрал-жабықтар салған сөмке сыйға тартты. Ата-аналар мен мектеп әкімшілігінің демеушілерге алғыстары шексіз.
Осындай арамызда қайырымды жандар бар болғаны зор қуаныш, жастарға үлгі.
№154ЖББМ әлеуметтік педагог Бұхарбаева Ә.Ә.