Қоңыр Мандокидің 75 жылдығы халықаралық деңгейде өтіліп, мектебіміздегі Ұлттық көрменің ашылуымен жалғасын тапты.

            Күллі түркі әлемінің біртуар ұлы, қазақ тілінің жанашыры ,Еуропаның XX ғасырдағы аса ірі ғалымы ,тегін тереңнен іздеген Қоңыр Мандоки   75 жылдығына орай  ұйымдастырылған халықаралық  іс-шара 11 ақпан Қоңырдың туылған күні Алатау ауданы №154 Қоңыр Мандоки мектебінде жалғасын тапты.1 ақпанда мектеп оқушыларына ашылу салтанаты өткізіліп, 11 ақпан күні қадірменді қонақтармен мектебімізде Қоңырдың 75 жылдығына орай ұйымдастырылған Ұлтық мұражайдың ашылуы және мектептің озат оқушыларын «Жас ұлан» ұйымына қабылдау, мерекелік іс-шара өте жоғары деңгейде өтілді.Мектебімізге Қоңырдың жары Оңайша Мандоки және Венгрия Республикасы Қарсақ қаласынан келген қонақ Эгри Шандор, Мажарстанның Қазақстандағы елшісі консул Ференц Блауман, Назарбаев Университетінің профессоры Юлай Шәміл Оғлы, Ахмет Байтұрсынов атындағы тіл білімі институтының директоры Ерден Қажыбек, Халықаралық Түркі академиясының аға сарапшысы, профессор- Қоңқабай Қадірәлі мырза жұбайымен, тарихшы Марат Сембин, Қоңыртанушы Ернар Мәсәлім, Алатау ауданы Білім бөлімінің басшысы Қасымбекова Айгүл Жұмабекқызы, Алматы ақшамы газетінің тілшісі Нұрлан Сүйіндік, Халықаралық «Қазақ тіл» қоғамының президенті,профессор – Өмірзақ Айтбаев мырза, М.Әуезов атындағы өнер және әдебиет институтының директоры Кенжехан Матыжанов ,Қожа Ахмет Яссауй атындағы халықаралық Қазақ-Түрік Университеті Түркология ғылыми –зерттеу институтының аға ғылыми қызметкері,Түрколог- Сейсенбай Құдасов, Алатау ауданының ақсақалдар алқасы және Нұр отан партиясының хатшысы  мектеп директоры Қаламқас Қалиқызы Алмасбаеваға ұйымдастырылған іс-шара жастарды патриоттық пен мемлекеттік тілге құрмет көрсету аясында өткізілгеніне алғыс білдіріп, Елбасының Ұлы даланың жеті қыры аясында жасалған көрменің патриоттық маңызды дүние екенін тілге тиек етіп, аядай мектепте кең көлемдегі рухани дүнилер жасалып келе жатқандығын зор мақтанышпен жеткізді.