"Кел, балалар, оқылық!" 20 минуттық оқу жобасы аясында 4-сынып оқушылар арасында мәтін оқу сайысы

"Артық ғылым кітапта, Ерінбей оқып көруге" 

                                               Абай Құнанбаев

   2021 жылдың 19-ы қазаны күні директордың тәрбие ісі жөніндегі орынбасары М.Ж.Мусабекова және бас кітапханашы Б.С.Кошкарбаеваның ұйымдастыруымен мектебімізде "Оқуға құштар мектеп" жобасы негізінде, қазақтың аса көрнекті ағартушы-педагогі, жазушы, этнограф, фольклоршы, қоғам қайраткері Ы.Алтынсариннің туғанына – 180 жылдығына орай "Кел, балалар, оқылық!" 20 минуттық оқу жобасы аясында 4-сынып оқушылар арасында І және ІІ ауысымда барлық санитарлық талаптарды сақтай отырып, мәтін оқу сайысын ұйымдастырып өткізді. 

   Сайыстың мақсаты: Ы.Алтынсариннің әңгімесін оқып, оқушы бойына адамгершілік, әдептілік ізгі қасиеттерді сіңіру. Мектеп оқушыларын көркем шығарма оқуға тарту. 

    Ұстаздар қауымынан әділ-қазы алқалар директордың оқу ісі жөніндегі орынбасарлары С.А.изтлеуова, Е.К.Матайбаев, А.Б.Мырзакасымова және қазақ тілі мен әдебиеті пәнінің мұғалімдері А.Т.Егиншиева, С.К.Нусупалиева, С.Т.Дайрабаева, Г.А.Кантарбаева, А.Б.Базарбаева, сынып жетекшілердің әдістемелік бірлестік жетекшісі З.А.Толымбекова, 10 "Ә" сынып оқушысы Б.Жұмабеков және 10 "А" сынып оқушысы А.Айсалықов сайланды. Әр сыныптан 2 оқушыдан қатысты. Қатысқан оқушылар мәтінді мазмұндап, әділ-қазы алқалары қойған сұрақтарға жауап беріп  белсенділік танытты. Сайыс қорытындысы 20.10.2021ж. күні шығарылады.